24/05/2024
三十五載蒙主愛 師生攜手創未來 - 三十五周年校慶開展禮
2024年對於蒙小黎講係特別嘅一年，因為今年嘅9月1日蒙小將會踏入三十五周年啦，而今日(5月24日)正正就係校慶倒數100日嘅特別日子，所以我哋今日特別舉辦咗簡單而隆重嘅三十五周年校慶開展禮暨多元學習活動中心揭幕禮。
蒙小今日十分榮幸邀請到信興集團主席兼行政總裁蒙德揚博士及Ms. Jasmie Mong、區會總幹事王家輝牧師、區會學務總監陳俊傑先生、區會教務行政部主席高國雄牧師、蒙小前任校長蕭岳煊博士、校監梁遠耀牧師以及本校的校董們出席今日嘅典禮。
喺今日嘅典禮當中，最重要‼️嘅部份當然係開展禮嘅環節。眾多嘉賓點亮七彩燈柱，鳳凰展翅翱翔，寓意着蒙小未來繼續培育新生代嘅孩子健康成長，一眾蒙小嘅老師亦會秉持住傳承及創新嘅精神作育英才。
蒙德揚博士一直十分支持蒙小嘅發展，我哋多元學習活動中心今年新安裝嘅冷氣機同玻璃門，正正就係蒙生送俾蒙小嘅一份禮物，所以我哋今日亦都特別請蒙生為我哋進行多元學習活動中心揭幕禮。蒙小嘅孩子嚟緊就可以係更舒適嘅環境到學習同進行活動啦。
其實校慶相關嘅活動之前已經開始進行緊㗎啦，五月初我哋二至六年級嘅孩子就全部去到籃球場，合力砌出MWFY35嘅字樣，慶祝蒙小即將踏入35歲，蒙小生日快樂呀！
三十五周年校慶開展禮活動相片連結